|
| 10月26...澳門之旅,慶祝小be生日!生日快樂...
一行8人,一大早就起身由東涌出發去上環港澳碼頭!
9點去到...將軍澳人士仲未到,原來係預早一個鐘俾我地!
於是同游生去caffeshop坐低飲杯熱chocolate!
掉低老賢係度排隊幫叻叻換免費飛,齊人食埋早餐就出發啦!
游生帶埋啤牌上船玩,唉!我又係輸,真係不宜賭博...
到達左先去左澳門威尼斯人酒店,申請VIP咭!
跟住周圍影下相,行下馬可波羅河,入到去好舒服牙!
天空係人造既,但好靚...叻叻話叫不夜天,好出名架!
好藍...天色有d暗暗地,不過唔會有種死氣沈沈既感覺...
仲有威尼斯人係架船度唱歌,唔知唱咩,不過氣氛好好!
我地仲影左好多相,仲有搞笑大合照,之後就shopping時間啦!
簡左好耐只係買左個化妝袋,becky刀買左個手袋仔...
跟住就搭的士過大山巴附近食野,出名好食既刀掛哂長龍...
因而個個太肚餓既關係,求其入左間食北京面既餐廳!
可能真係太肚餓啦,竟然狂食左40幾隻餃子甘多,真係好飽!
食完去大山巴影下相,順便買埋手信,食埋豬扒包,葡韃...
仲要飲埋糖水,短短時間可以食到甘多野,真係好滿足牙!
之後去埋賭場,睇左陣表演,就開始賭博時間啦!
玩左一個鐘,結果係輸左4百元,好彩游生贏番700大元姐!
雖然輸$$$,不過呢一個鐘又真係過得幾開心,老虎機好好玩!
大家玩到8點又再搭的士去食晚飯,[船屋葡國餐廳]!
d野食刀幾好食,特別係八爪魚海鮮繪飯...仲有水果紅酒!
D面包刀好好食架,唔係叻叻介紹刀唔識去牙,真係好滿足牙!
回程就真係累到係船訓死哂,眼刀眨唔開牙!好好訓..Zzzz
番到香港一落船即刻call的番去...第2日番工刀仲係好眼訓!
下次要再去大戰老虎機...真係又緊張又好玩牙! | | |
| 番左一個星期有多.....無論工作,同事,刀好take care 我!
學左好多野,亦刀好多野做,甘刀好時間過得特別快....
我既打字速度又進一步啦,因為刀好多野要入電腦!
lunch就同Terry,jacky sir,berry,connie去左東薈城食扒....
討論話題係呢期大家刀講緊既金融風暴!
其實我同connie刀搭唔到幾句,但刀好留心聽.....
Terry就講外幣,呢個我有興趣多d,得行向佢請教下先! | | |
| 又放假啦....琴晚好早就訓著左,今日依然刀係3點起身!
訓到有點兒過份,米奇刀忍唔住話我哩排係咁訓.....
甘我早起身嗎....我仲未適應姐,佢就晚晚刀夜訓....
我要習慣下架啦....預左轉工就唔到時間一齊放假!
不過唔怕啦,日日刀見到...米奇快d轉埋就更好啦!
琴日諗住OT架,有好多野未整,不過條腰好痛....
6點半準時走左,聽日番去有排做牙,又未入哂信封喎!
唉!岩岩番工就甘懶,真係博炒咩....呂寶妮! | | |
| 星期六番半day,1點收工番到屋企食完野訓死左!
7點半起身梳洗完...出旺角飲野!
今次去左間新既,d野飲一般啦,不過坐得幾舒服!
可惜1點就趕人走,好似有d傾唔夠感覺....
聽日得米奇要番工,如果唔係可以搵下其他節目!
突然間覺得原來識到一班好既朋友係好重要....
由識米奇開始對我黎講呢幾年真係好大轉變!
無米奇就無呢班朋友,教識左我好多野!
唔再淨係掛住玩,玩之餘又明白工作刀好重要!
無becky我根本有好多野刀唔識點去做....
根本上感情,事業刀係becky俾左好多意見我!
無朋友就俾唔到意見,所以朋友真係好重要....
終於明白米奇成日將朋友掛係咀邊既,原因!
但係刀唔好忘記我牙,我刀好重要架...哈哈 | | |
| 今日總算可以跟到D野啦....無琴日咁多野做!
不過就有好多信要出,又要入埋落電腦!
晏就係公司食車仔面....上下網睇新聞....
差唔多到5點幫10月份生日同事搞生日會!
上個月尾Coinne訂左蛋糕,所以今日再叫左d小食&(pazzi)
下個月既生日會就要由我負責搞,諗落刀幾多野做!
不過大家有得食野,似乎係最開心,圍哂係度有講有笑!
最後打埋第日要出既信,6:30pm準時收工走人!
| | |
|
